مٹھی: مفت اخبار نہ دینے والے اخباری ایجنٹ پر پولیس افسرکے بیٹے کا حملہ، تشدد سے زخمی کر دیا۔
مٹھی میں اخباری ایجنٹ مٹھن نہڑیو کو مفت اخبار نہ دینے پر 10سے زائد افراد نے کشمیر چوک پر حملہ کرکے زخمی کر دیا۔ حملہ آوروں نے ایجنٹ کو بچانے والے انصار نہڑیو اور لاکھو نہڑیو کو بھی تشدد کا نشانہ بنایا اور فرار ہو گئے۔
صحافیوں کے اطلاع دینے پر ایس ایس پی تھرپارکر عمران قریشی نے نوٹس لے لیا اور اے ایس آئی شیر محمد جونیجو کے گھر پر چھاپہ مارکر حملے میں ملوث اس کے بیٹے اور ساتھی ابوذر ابوبکر کو گرفتار کر لیا۔ صحافیوں کو ایس ایس پی نے یقین دلایا کہ دیگر تمام ملزماں کو جلد گرفتار کر لیا جائے گا۔
حملہ آوروں کی گرفتاری کے بعد ان کے ورثا ایجنٹ مٹھو نہڑیو کے گائوں پہنچ گئے اور غلطی تسلیم کرتے ہوئے معافی مانگی ۔ ایجنٹ کے ورثا کے معاف کرنے پر پولیس نے گرفتار افراد کو رہا کر دیا۔
The post مٹھی میں مفت اخبار نہ دینے پر پولیس افسر کے بیٹے کا حملہ appeared first on ایکسپریس اردو.
from ایکسپریس اردو » پاکستان https://ift.tt/2KZb1x4
