کراچی: شہر میں پولیس گردی کے ایک اور واقعے میں ضعیف العمر شہری پولیس کے مبینہ تشدد سے زندگی کی بازی ہار گیا۔
ایس ایچ او چوہدری اسلم خان نے بتایا کہ احسن آباد مولا بخش گوٹھ میں60سالہ جان محمد کے جاں بحق ہونے کی اطلاع ملی جس پر پولیس کی جانب سے تحقیقات کی گئی تو تھانے کے اہلکاروں نے بتایا کہ وہ گٹکا اور ماوا فروخت ہونے کی اطلاع پر پان کیبن پر گئے تھے۔
موقع پر موجود افراد کا کہنا تھا کہ پولیس جان محمد سے رقم کا تقاضہ کر رہی تھی اور نہ دینے پر اسے مبینہ طور پر تشدد کا نشانہ بنایا جس کے باعث وہ جاں بحق ہوگیا ،ایس ایس پی ملیر عرفان بہادر نے اے ایس آئی غلام دین ، ہیڈ کانسٹیبل قرار ،ہیڈکانسٹیبل محمد حسن اور کانسٹیبل آصف علی کو معطل کر کے گرفتار کرلیا،پولیس نے چاروں اہلکاروں کے خلاف مقدمہ بھی درج کرلیا۔
چوہدری اسلم خان نے مزید بتایا کہ پولیس نے ضابطے کی کارروائی کے بعد جان محمد کی لاش ورثا کے حوالے کر دی جبکہ گرفتار اہلکاروں سے مزید تحقیقات کی جا رہی ہے۔
The post پولیس کے تشدد سے شہری ہلاک، 4 اہلکار گرفتار appeared first on ایکسپریس اردو.
from ایکسپریس اردو » پاکستان https://ift.tt/2M9wVBM
