لاہور: (ن) کے رہنما خواجہ سعد رفیق کا کہنا ہے کہ نیب لاہور کے پاس کوئی ثبوت نہیں تاہم ہمارے خلاف جھوٹے گواہ بنائے جارہے ہیں۔
لاہور میں میڈیا سے گفتگو میں پاکستان مسلم لیگ (ن) کے رہنما خواجہ سعد رفیق کا کہنا تھا کہ نیب لاہور کے پاس میرے اور سلمان کے خلاف کوئی ثبوت نہیں، ایک سال سے ابھی تک کوئی ثبوت نہیں ملا، 5 پانچ لوگ گواہان ہیں جو کہتے ہیں یہ نہیں ہو سکتا جب کہ قیصر امین بیمار ہیں ان کو بھی غلط پکڑا، قیصر امین کا بیان غلط ہے جب کہ نیب نے جھوٹ بولا۔
خواجہ سعد رفیق نے کہا کہ ہماری تحقیقات کسی اور اچھے افسر سے کروائی جائے، یہ لوگوں کے ساتھ مل کر ہمارے خلاف جھوٹے گواہ بنا رہے ہیں جب کہ عمران خان کے خلاف بھی تحقیقات چل رہی ہے لیکن وہ وزیراعظم بنے بیٹھے ہیں۔ انہوں نے کہا کہ ریلوے کے کرایوں کو بڑھانا بلا جواز ہے، یہ عوام کو تنگ کرنے کے ہتھکنڈے ہیں، نام نہاد 10،12 ٹرینیں چلا کر لوگوں کو گمراہ کیا جا رہا ہے۔
The post ہمارے خلاف جھوٹے گواہ بنائے جارہے ہیں، سعد رفیق appeared first on ایکسپریس اردو.
from ایکسپریس اردو » پاکستان https://ift.tt/2QyiDNU
