کراچی: ایکسپو سینٹر کراچی میں 15ویں بین الاقوامی ہیلتھ ایشیا اور فارما ایشیانمائش آج (11 ستمبر) سے شروع ہوگی۔
نمائش میں چین، سنگاپور، بھارت، امریکہ ، برطانیہ، جرمنی، سوئزرلینڈ، فرانس ، اٹلی اور ترکی سمیت25 ممالک کے 550 سے زائد وفود شرکت کررہے ہیں، 3روزہ نمائش میں 912 برانڈز کے اسٹالز لگائے گئے۔
ای کامرس گیٹ وے کے صدر ڈاکٹر خورشید نظام نے کہا ہے کہ وزیر اعظم عمران خان کے صحت اور تعلیم کے ویژن نے سے دنیا بھر میں مثبت تاثر قائم ہوا ہے۔ انہوں نے کہا ہے کہ نئی حکومت کے قیام کے بعد 15 ویں ہیلتھ ایشیا اور فارما ایشیا میں شرکت کیلیے آخری لمحات میں بھی بیرون ممالک سے شعبہ صحت سے منسلک کئی اداروں کے وفود کی درخواستیں موصول ہوئی ہیں۔
ای کامرس کے زیر اہتمام نمائش ہیلتھ ایشیا اور فارما ایشیا میں اس سال چھے ہالز میں دنیاکی معروف کمپنیاں صحت اور ادویہ کے علاوہ تحقیقی حوالے سے اپنے اسٹال مشتہر کررہی ہیں۔ نمائش میں 30 سے زائد سیمینار منعقد کیے جارہے ہیں جن میں طب اور تحقیق کے شعبے سے منسلک غیر ملکی اور پاکستانی ماہرین اظہار خیال کریں گے۔
ای کامرس گیٹ وے کے صدر ڈاکٹر خورشید نظام نے گزشتہ سال کے مقابلے میں رواں سال 15ویں ہیلتھ ایشیااور فارما ایشیا نمائش میں زیادہ تعداد میں اس صنعت سے تعلق رکھنے والے افراد کی شرکت کی شرح میں اضافے کا امکان ظاہر کیا ہے۔
ہیلتھ ایشیااور فارما ایشیا کے سیمینارز میں ماہرین انسانی صحت پر ہونے والی جدید تحقیق اور پاکستان میں ان پر عملدرآمد کے علاوہ انسانی جسم میں خون کی حفاظتی منتقلی، انیستھیزیا، دماغی صحت، جلدی امراض، ریڈیالوجی، جدید ڈائلاسسز کے مراکز کے قیام اور ادویہ پر دنیا میں ہونے والی نئی پیش رفت سے آگاہ کریں گے۔
The post بین الاقوامی ہیلتھ، فارما ایشیا نمائش آج شروع ہوگی appeared first on ایکسپریس اردو.
from ایکسپریس اردو » بزنس https://ift.tt/2x1V9Vt
