لاہور: مسلم لیگ (ن) کے صدر شہباز شریف نے کہا ہے کہ کالعدم جماعت کے ساتھ مذاکرات ہی مسئلے کا بہترین حل ہے۔
لاہور میں عدالت پیشی کے دوران میڈیا سے بات کرتے ہوئے شہباز شریف نے کہا کہ جو کیس نیب نے بنایا وہی ایف آئی اے نے بنا دیا ہے، میرے خلاف جھوٹ پر مبنی کیسز بنائے گیے ہیں، حکمران آج تک سیاسی انتقامی کاروائیوں کے علاوہ کچھ نہیں کر سکے، انشااللہ، اللہ انصاف کرے گا۔
کالعدم تنظیم کے احتجاج کے حوالے سے شہباز شریف نے کہا کہ مذاکرات ہی بہترین حل ہے، اتنی جانیں ضائع ہوئی ہیں اللہ تعالی پاکستان کو اپنے حفظ و امان میں قائم رکھے۔
دریں اثنا عدالت کے روبرو شہباز شریف نے کہا کہ ایک سال ہو گیا ہے، ایف آئی اے نے 2 بار انویسٹی گیشن جیل میں کی لیکن ایک دھیلے کی کرپشن بھی ثابت نہیں ہوئی، میرے بیٹے سے بھی جیل میں ایف آئی اے نے انویسٹی گیشن کی۔
The post کالعدم جماعت کے ساتھ مذاکرات ہی مسئلے کا بہترین حل ہے،شہباز شریف appeared first on ایکسپریس اردو.
from ایکسپریس اردو » پاکستان https://ift.tt/3GAwev7
