لاہور: مقبوضہ کشمیرمیں طوفانی بارشوں کے باعث دریائے چناب میں طغیانی کا خدشہ پیدا ہوگیا ہے۔
ایکسپریس نیوز کے مطابق مقبوضہ کشمیرمیں طوفانی بارشوں کے باعث دریائے چناب میں طغیانی کا خدشہ پیدا ہوگیا ہے اور ارسا حکام نے دریائے چناب میں اونچے درجے کے سیلاب کی ایڈوائزری بھی جاری کردی ہے۔
ارسا حکام کے مطابق آج دوپہر 2 بجے تک دریائے چناب میں 3 لاکھ کیوسک تک کا ریلا داخل ہوسکتا ہے، کل ہیڈ خانکی پر 3 لاکھ کیوسک پانی کا ریلا گزرنے کا امکان ہے، ہیڈ قادر آباد پر بھی اونچے درجے کے سیلاب کا امکان ہے، دریائے چناب میں گرنے والے نالوں میں بھی طغیانی کا خدشہ ہے۔
ارسا کی جانب سے تمام ضلعی انتظامیہ اور متعلقہ اداروں کوالرٹ جاری کر دیا گیا ہے، جب کہ وزیراعظم آفس، سیکریٹری ایوی ایشن، فیڈرل فلڈ کمیشن سمیت متعلقہ حکام کوالرٹ جاری کردیا گیا ہے۔
The post طوفانی بارشوں کے باعث دریائے چناب میں طغیانی کا خدشہ appeared first on ایکسپریس اردو.
from ایکسپریس اردو » پاکستان https://ift.tt/3yPoaSS
