لاہور: گورنر پنجاب چوہدری سرور کا کہنا ہے کہ 26 مارچ کے بعد 27 مارچ ہوگا کیونکہ لانگ مارچ سے حکومت کا خاتمہ اپوزیشن کی غلط فہمی کے سوا کچھ نہیں۔
اپنے بیان میں گورنر پنجاب نےکہا کہ اپوزیشن جماعتوں کو ایک دوسرے پر نہ تو اعتبار ہے اور نہ ہی ان میں اتفاق ہے، لانگ مارچ سے حکومت کا خاتمہ اپوزیشن کی غلط فہمی کے سوا کچھ نہیں، دسمبراور جنوری میں کچھ نہ کر سکنے والی اپوزیشن مارچ میں بھی ناکام ہی ہو گی، 26 مارچ کے بعد 27 مارچ ہوگا اور کچھ نہیں۔
چوہدری سرور کا کہنا تھا کہ اتحادی جماعتیں اور عوام حکومت کے بیانیہ کے ساتھ کھڑے ہیں ، وزیر اعظم عمران خان قومی امنگوں کی ترجمانی کر رہے ہیں، عوام نے تحریک انصاف کو 5 سال کا مینڈ یٹ دیا ہے، سیاسی مخالفین صبر کے ساتھ 2023 کے انتخابات کا انتظار کر یں۔
گورنر پنجاب نے کہا کہ سینیٹ انتخابات کے لئے اوپن بیلٹ سے ووٹ چوری کا خاتمہ ہوجائے گا،سینیٹ انتخابات میں تحر یک انصاف اور اتحاد ی ہی کامیاب ہوں گے۔
The post لانگ مارچ سے حکومت کا خاتمہ اپوزیشن کی غلط فہمی کے سوا کچھ نہیں،گورنر پنجاب appeared first on ایکسپریس اردو.
from ایکسپریس اردو » پاکستان https://ift.tt/3tClqpO
