طیارہ حادثہ؛8 شہدا کے ورثا کورقم ادا کردی گئی

 کراچی:  پی آئی اے طیارہ حادثے میں جاں بحق مسافروں کے ورثا کو انشورنس کی رقم کی ادائیگی کا سلسلہ جاری ہے۔

ترجمان پی آئی اے کے مطابق طیارہ حادثے کے 8 شہدا کے ورثا کو ادائیگیاں کردی گئیں، 8 ورثا کی جانب سے وراثتی سرٹیفکیٹ جمع کرادیے گئے تھے ترجمان کے مطابق ورثا کو فی کس ایک کروڑ روپے انشورنس کی ادائیگی کی گئی ہے اس ضمن میں مجموعی طور پر 8 کروڑ 80 لاکھ روپے ادا کیے گئے ہیں۔

ترجمان کے مطابق مذکورہ اداکردہ رقوم میں طیارہ حادثے میں جاں بحق ہونے والوں کے ورثا کو ادا کردہ 10 لاکھ روپے فی کس بھی شامل ہیں، جنھوں نے جاں بحق مسافروں کی تدفین کی مد میں 10 لاکھ روپے فی کس نہیں لیے تھے وہ بھی ادا کیے گئے ہیں، جیسے ہی وراثتی سرٹیفکیٹس موصول ہوتے ہیں ادائیگی کی جاتی ہے۔

The post طیارہ حادثہ؛8 شہدا کے ورثا کورقم ادا کردی گئی appeared first on ایکسپریس اردو.

from ایکسپریس اردو » پاکستان https://ift.tt/3nYGUKB