کراچی: شادی ہال ایسوسی ایشن نے 20 نومبر سے شادی ہال بند کرنے کے حکومتی فیصلے کو مسترد کردیا۔
ایسوسی ایشن کے صدر رانا رئیس کے مطابق شادی ہال مالکان کو بلاجواز تنگ کیا جارہا ہے ، کورونا ایس او پیز پر عمل کرنے کے باوجود ہمیں ہراساں کیا جاتا ہے ، انھوں نے شہر میں مختلف شادی ہالز کو سیل کرنے کے عمل کو بھی افسوسناک قرار دیتے ہوئے اس کی شدید مذمت کی ، رانا رئیس کا کہنا ہے کہ انتظامیہ افواہوں پر کان دھرنے کے بجائے حقائق کا جائزہ لے ، شادی ہال مالکان دس بجتے ہی ہال کی لائٹس بند کردیتے ہیں۔
وقت کی پابندی کے معاملے پر کسی کی سفارش کو قبول نہیں کیا جارہا ہے، شادی ہالز کے مرکزی دروازوں پر ماسک اور سینیٹائزر موجود ہوتا ہے ، تمام ایس او پیز پر عمل کے باوجود شادی ہال سیل کرنا بلاجواز ہے۔
The post شادی ہال ایسوسی ایشن نے حکومتی فیصلہ مسترد کردیا appeared first on ایکسپریس اردو.
from ایکسپریس اردو » پاکستان https://ift.tt/32sh4pw
