کراچی: پیپلز پارٹی کی سابق چیئرپرسن مادرِ جمہوریت بیگم نصرت بھٹو کی آٹھویں برسی آج منائی جا رہی ہے ملک بھر میں پاکستان پیپلزپارٹی کی طرف سے بیگم نصرت بھٹو کے ایصال ثواب کے لئے قرآن خوانی کا اہتمام کیا گیا ہے۔
مختلف تقریبات میں بیگم نصرت بھٹو کی تاریخی قربانیوں اور سیاسی جدوجہد پر انھیں خراج عقیدت پیش کیا جائے گا۔ کراچی میں نصرت بھٹو صاحبہ کے 8ویں یومِ وصال کے موقع پر پیپلز سیکریٹیریٹ میں قرآن خوانی و دعا کا اہتمام کیا گیا۔
دریں اثنا پاکستان پیپلز پارٹی کے چیئرمین بلاول بھٹو زرداری نے مادرِ جمہوریت بیگم نصرت بھٹو کو خراج عقیدت پیش کرتے ہوئے کہا ہے کہ مادرِ جمہوریت کی پاکستان کے لیے خدمات و قربانیاں بے مثال اور بے نظیر ہیں۔
مادرِ جمہوریت نے قائدِ عوام کی شہادت کے دکھ کو عوامی طاقت میں تبدیل کرنے کا عملی مظاہرہ کرتے ہوئے پاکستان میں مسلط اپنے دور کی بدترین آمریت کے خلاف پرامن سیاسی جدوجہد کا آغاز کیا۔
The post نصرت بھٹو کی 8 ویں برسی آج منائی جائے گی، بلاول کا خراج عقیدت appeared first on ایکسپریس اردو.
from ایکسپریس اردو » پاکستان https://ift.tt/31BM2Ir
