ٹنڈو محمد خان: اتائی نے 7 سالہ بچے کو غلط ٹیکہ لگا کر جان لے لی۔
گوٹھ شیخ فرید کا رہائشی ناروکوہلی اپنے 7 سالہ بچے شگن کو علاج کے لیے لاکھاٹ روڈ پر واقع اتائی کی کلینک نمادکان میں لایا جہاں موجود شخص نے اسے مبینہ طور پر غلط انجیکشن لگا دیا جس کے باعث بچہ چل بسا۔ ورثا نے لاش سمیت ایس ایس پی آفس کے سامنے احتجاج کیا تاہم پولیس نے ابتدائی رپورٹ درج کر کے احتجاج ختم کرادیا۔ لاش پوسٹ مارٹم کے بعد ورثاء کے حوالے کردی گئی۔
پولیس کے مطابق ٹیکہ لگانے والا ڈاکٹر نہیں اتائی تھا جو بچے کی ہلاکت کے بعد دکان بند کر کے فرار ہوگیا ہے۔
The post ٹنڈو محمد خان میں اتائی نے7 سالہ بچے کی جان لے لی appeared first on ایکسپریس اردو.
from ایکسپریس اردو » پاکستان https://ift.tt/2U2t3EZ
