لاہور: مغل پورہ کے علاقے میں گھر کی چھت گرنے سے تین افراد جاں بحق اور متعدد زخمی ہوگئے۔
ایکسپریس نیوز کے مطابق لاہور میں مغل پورہ کے علاقے مومن پورہ میں گھر کی چھت گرنے سے 7 افراد ملبے تلے دب گئے۔
حادثے کی اطلاع ملتے ہی امدادی ٹیمیں اور ریسکیو اہلکار موقع پر پہنچے اور 2 زخموں کو موقع پر طبی امداد دی جب کہ دیگر زخمیوں کو اسپتال منتقل کیا جہاں دوران علاج تین بچے زخموں کی تاب نہ لاتے ہوئے دم توڑ گئے۔
ریسکیو ذرائع کے مطابق ہلاک ہونے والوں میں 6 سالہ خرم شہزاد، 8 سالہ ہارون اور 10 سالہ سنیہا جب کہ زخمیوں میں 9 سالہ روحیل، ذوہیب اور بچوں کی والدہ رضیا بی بی شامل ہیں۔ دو بیٹیاں ہمنہ اور رباب بھی زخمی ہوئیں ہیں۔
اہل محلہ کا کہنا ہے کہ گھر کا سربراہ شاہد رنگساز ہے جب کہ متاثرہ خاندان 8 سال سے کرائے کے گھر میں رہائش پذیر تھا۔
The post لاہور میں مکان کی چھت گرنے سے 3 افراد جاں بحق appeared first on ایکسپریس اردو.
from ایکسپریس اردو » پاکستان https://ift.tt/2OiOz99
