لاہور: بابر اعظم پہلی بارورلڈکپ میں شرکت کیلیے پُرجوش ہیں اور اسٹار بیٹسمین کا کہنا ہے کہ میں پاکستان کی فتوحات میں اہم کردار اداکرنے کی کوشش کروں گا۔
پاکستان کرکٹ کی سب سے بڑی ویب سائٹ http://bit.ly/2Aerrzb کو خصوصی انٹرویو میں بابر اعظم نے کہا کہ ورلڈکپ میں شرکت کا خواب پورا ہونے جارہا ہے، میگا ایونٹ کا حصہ بننے کا موقع ملنے پر میں خوش اور پُرجوش ہوں،آسٹریلیا کیخلاف سیریز میں آرام سے توانائی بحال ہوگئی، پاکستان کی فتوحات میں اہم کردار اداکرنے کی کوشش کروں گا۔
ایک سوال پر انھوں نے کہا کہ ویرات کوہلی کے ساتھ میرا موازنہ نہیں کرنا چاہیے لیکن ان کے ساتھ نام آتا ہے تو اس پر بہت خوشی محسوس کرتا ہوں، وہ دنیا کے بہترین بیٹسمین ہیں،میں ان جیسا نہیں بن سکتا لیکن پرستار دعا کریں کہ کوہلی کی طرح رنز بناؤں۔
بابر اعظم نے کہا کہ میں نے پاکستان کی جانب سے کھیلنے کا سوچا ضرور تھا لیکن اتنی جلدی اس مقام تک پہنچنا ایک خواب لگتا ہے۔ میری کوشش ہوتی ہے کہ ہر اننگز میں بہتر سے بہتر کھیلوں،زمبابوے کیخلاف لاہور میں ڈیبیو کے بعد زیادہ رنز نہ ہوئے، ویسٹ انڈیز سے سیریز میں ناکام ہونے پر باہر کردیاجاتا لیکن اللہ کا شکر ہے کہ 3سنچریاں بنائیں جس سے اعتماد میں بہت اضافہ ہوا، پہلی سنچری ہمیشہ یاد رہے گی۔
انھوں نے کہا کہ فی الحال میرا پہلا ہدف انگلینڈ کے خلاف سیریز میں رنز بنانا ہے، دوسری ٹیموں سے پہلے وہاں جاکر میزبان ٹیم کیخلاف ایک ٹی ٹوئنٹی اور 5 ون ڈے اور پریکٹس میچز میں کنڈیشنز سے ہم آہنگ ہونے میں مدد ملے گی۔
The post بابراعظم پہلی بار ورلڈکپ میں شرکت کیلیے پُرجوش appeared first on ایکسپریس اردو.
from ایکسپریس اردو » کھیل http://bit.ly/2ZjyhOx
