کراچی: ترکی کے قونصل جنرل تولگا یوکیک کی قیادت میں وفد نے سینٹرل ڈپازٹری کمپنی کا دورہ کیا اور حکام سے ملاقات کی ہے۔
کراچی میں تعینات ترکی کے قونصل جنرل تولگا یوکیک کی قیادت میں ایک وفد نے سینٹرل ڈپازٹری کمپنی کا دورہ کیا۔ اس موقع پرپاکستان میں ترکی کی کمپنیوں کے نمائندوں اور پاکستانی کارپوریٹ سیکٹر کے اہم نمائندے بھی موجود تھے۔
سی ڈی سی کے بورڈ آف ڈائریکٹرز کے چیئرمین معین ایم فْدا نے اس موقع پرترکی اور پاکستان کے دیرینہ دوستانہ تعلقات پر روشنی ڈالتے ہوئے اقتصادی، کاروباری اور دیگر پلیٹ فارمز پر تعلقات کو مزید فروغ دینے کی ضرورت پر زور دیا۔
سی ڈی سی کے چیف ایگزیکٹو آفیسربدیع الدین اکبر نے مہمانوں کو سی ڈی سی کے پاکستانی کیپیٹل مارکیٹ کی ترقی میں کردار اور کامیاب آپریشنز پر تفصیلی بریفنگ دی۔
The post ترک قونصل جنرل کا سینٹرل ڈپازٹری کمپنی کا دورہ، حکام سے ملاقات appeared first on ایکسپریس اردو.
from ایکسپریس اردو » بزنس http://bit.ly/2PiN4Vf
