پی سی انتظامیہ نے اپنے سابق جنرل مینیجر کے امریکی سی آئی سے تعلق کی سختی سے تردید کردی

 کراچی: فائیو اسٹار ہوٹل چین ’’پرل کانٹی نینٹل‘‘ (پی سی) نے اتوار کے روز جاری کردہ اپنے ایک بیان میں بعض مقامی ذرائع ابلاغ سے نشر اور شائع ہونے والی خبروں کی سختی سے تردید کرتے ہوئے کہا ہے کہ پی سی ہوٹل کراچی کے سابق جنرل مینیجر جیف سوسمین کا امریکا کی ’’سینٹرل انٹیلی جنس ایجنسی‘‘ (سی آئی اے) سے کسی قسم کا کوئی تعلق نہیں۔

ان خبروں میں دعوی کیا گیا تھا کہ تفتیشی اداروں کی جانب سے سوسمین کے کمرے پر چھاپا مارا گیا تو وہاں سے کئی اہم اور حساس دستاویزات برآمد ہوئیں جنہیں ان اداروں نے اپنی تحویل میں لے لیا ہے۔

ترجمان پرل کانٹی نینٹل ہوٹل کا کہنا ہے کہ پی سی اور سرکاری ایجنسیوں کو بدنام کرنے کےلیے بعض میڈیا ہاؤسز ایسی ’’جعلی خبریں‘‘ چلا رہے ہیں۔

The post پی سی انتظامیہ نے اپنے سابق جنرل مینیجر کے امریکی سی آئی سے تعلق کی سختی سے تردید کردی appeared first on ایکسپریس اردو.

from ایکسپریس اردو » پاکستان https://ift.tt/2I4OdxW