لاہور: بھارتی کسان کے بیٹے نے ایک اوور میں 6چھکے جڑ دیئے۔
ایک مارکیٹ میں سیلز مین میکارینڈ پٹیل نے ایف ڈویڑن ٹائم شیلڈ ٹورنامنٹ کے فائنل میچ میں اوور کی تمام گیندوں کو فضائی روٹ سے باؤنڈری کے باہر بھیجنے کے بعد نئے اوور کی پہلی بال پر بھی چھکا لگایا، 23 سالہ بیٹسمین نے26 گیندوں پر 84 کی اننگز کھیلی اور اپنی ٹیم ویوا کو مہندرا لاج کیخلاف باآسانی فتح سے ہمکنار کردیا۔
میکارینڈ نے کہاکہ مسلسل 4 چھکے لگانے کے بعد ساتھی کرکٹرز اور تماشائیوں کی تالیوں کی گونج میں مزید 2گیندوں کو بھی میدان سے باہر پھینک دیا، اس کے بعد میں مسلسل ساتواں چھکا بھی لگانے میں کامیاب ہوا، منفرد کارنامہ سرانجام دینے پر خود کو ہواؤں میں اڑتا محسوس کر رہا ہوں۔
یاد رہے کہ اس سے قبل 2بھارتی کرکٹرز یوراج سنگھ اور روی شاستری بھی اوور میں 6 چھکے لگانے کا ریکارڈ رکھتے ہیں۔
The post بھارتی کسان کے بیٹے نے ایک اوور میں 6 چھکے جڑ دیئے appeared first on ایکسپریس اردو.
from ایکسپریس اردو » کھیل https://ift.tt/2FC80U7
