لاہور: مسلم لیگ (ن) کے صدر شہباز شریف کی احتساب عدالت پیشی کے موقع پر پارٹی کی ترجمان مریم اورنگزیب انڈوں کے کریٹ کے ساتھ جا پہنچیں۔
ایکسپریس نیوز کے مطابق لاہور مسلم لیگ (ن) کے صدر شہباز شریف کی احتساب عدالت پیشی کے موقع پر مسلم لیگ (ن) کی ترجمان انڈوں کا کریٹ لے کر پہنچ گئیں، میڈیا سے بات کرتے ہوئے انہوں نے کہا کہ عمران خان مہنگائی ختم نہیں کر سکتے اس لیے عوام کو انڈے دیں گے، وہ بیروزگاری ختم نہیں کر سکے لیکن عوام کو انڈے دیں گے۔ 50 لاکھ گھر اور ایک کروڑ نوکریاں لینی ہیں تو انڈوں میں تلاش کرلیں۔
مریم اورنگزیب نے کہا کہ نیب کو شہباز شریف کے خلاف کوئی ثبوت نہیں ملا، ان کی گرفتاری نیب نیازی گٹھ جوڑ کا نتیجہ ہے شہباز شریف کا میڈیکل بورڈ دو ہفتے کی تاخیر سے بنایا گیا ،وزیر اعظم کے احکامات پر شہباز شریف کے میڈیکل بورڈ میں تاخیر کی گئی۔ آج کسان پریشان ہیں لیکن عثمان بزدار گورنر ہاؤس کی دیواریں گرانے میں مصروف ہیں۔
The post شہباز شریف کی احتساب عدالت پیشی، ترجمان مسلم لیگ (ن) کی انڈوں کے ساتھ آمد appeared first on ایکسپریس اردو.
from ایکسپریس اردو » پاکستان https://ift.tt/2QJH4br
