اسلام آباد: وفاقی وزیر اطلاعات فواد چوہدری نے کہا ہے کہ آصف زرداری امریکا میں ایک اپارٹمنٹ کے مالک ہیں جسے انہوں نے کاغذات نامزدگی میں ظاہر نہیں کیا اور خرم شیرزمان کو ان کے خلاف ریفرنس دائر کرنے کا کہا ہے۔
اسلام آباد میں میڈیا سے بات کرتے ہوئے وفاقی وزیر اطلاعات کا کہنا تھا کہ آصف زرداری امریکا میں ایک اپارٹمنٹ کے مالک ہیں، جسے انہوں نے اپنے کاغذات نامزدگی میں ظاہر نہیں کیا۔ آرٹیکل 62 ،63 کے تحت ارکان کے لیے اپنے تمام اثاثے ظاہر کرنا لازم ہیں،اس لئے آصف زرداری رکن اسمبلی رہنے کے اہل نہیں، خرم شیرزمان کو آصف زرداری کے خلاف ریفرنس دائرکرنے کا کہا ہے۔
فواد چوہدری نے کہا کہ نواز شریف اور آصف زرداری اپنا آخری الیکشن لڑچکے، یہ لوگ تاش کے پتوں کی طرح بکھر رہے ہیں۔ پاکستان کی سیاست میں صحت مندانہ ماحول سامنے آئے گا۔ انہوں نے کہا کہ ہماری حکومت نے اداروں کو خودمختار بنایا ہے، پاکستان میں بیرونی سرمایہ کاری کیلئے ماحول تبدیل ہورہا ہے۔
The post حکومت کا آصف زرداری کی نااہلی کے لئے ریفرنس دائر کرنے کا اعلان appeared first on ایکسپریس اردو.
from ایکسپریس اردو » پاکستان https://ift.tt/2BrEFs1
