اسلام آباد: وزیر اطلاعات فواد چوہدری نے شیخو پورہ میں ہجوم کے ہاتھوں لٹنے والے غریب ریڑھی بان بچے کے نقصان کی تلافی کے لیے پنجاب حکومت سے مدد کی درخواست کردی۔
سوشل میڈیا پر ایک غریب بچے کی وڈیو وائرل ہوئی ہے جو کیلے بیچ کر اپنے گھر والوں کا پیٹ پالنے نکلا تھا لیکن راستے میں مظاہرین کے ہتھے چڑھ گیا۔ وڈیو میں دیکھا جاسکتا ہے کہ کیا مرد اور کیا برقع پوش خواتین، سب ہی اس بچے کی کمائی کا ذریعہ لوٹنے میں جُت گئے اور جس کے ہاتھ جتنے کیلے لگے لے گیا۔
یہ بھی پڑھیں: شیخوپورہ میں ہجوم نے غریب بچے کی کیلے کی ریڑھی لوٹ لی
اس دل خراش واقعے پر جہاں سوشل میڈیا پر لوگوں نے دکھ اور افسوس کا اظہار کیا ہے وہیں وفاقی وزیر کو بھی اس وڈیو نے ہلا کررکھ دیا۔ وفاقی وزیر برائے اطلاعات و نشریات فواد چوہدری نے ٹوئٹر پر لکھا کہ پنجاب حکومت اس ریڑھی بان کی مکمل تلافی کرے۔
انہوں نے پنجاب حکومت سے درخواست کی کہ متاثرہ بچے کی تلاش کریں اور مالی معاونت کریں۔
The post فواد چوہدری کی پنجاب حکومت سے ریڑھی بان بچے کی مدد کی درخواست appeared first on ایکسپریس اردو.
from ایکسپریس اردو » پاکستان https://ift.tt/2QkpqYk
