دبئی: 2 ٹیسٹ میچوں کی سیریز کے پہلے میچ میں پاکستان کی آسٹریلیا کے خلاف بیٹنگ جاری ہے۔
پاکستان اور آسٹریلیا کے درمیان 2 ٹیسٹ میچوں کی سیریز کا پہلا میچ دبئی میں کھیلا جارہا ہے، قومی ٹیم کے کپتان سرفراز احمد نے ٹاس جیت کر پہلے بیٹنگ کا فیصلہ کیا ہے۔ پاکستان کی جانب سے اننگز کا آغاز محمد حفیظ اور امام الحق نے کیا ہے۔
کپتان قومی کرکٹ ٹیم سرفراز احمد کا کہنا ہے کہ وکٹ بیٹنگ کے لیے اچھی ہے، محمد حفیظ اور وہاب ریاض کی ٹیم میں واپسی ہوئی ہے جب کہ بلال آصف پاکستان کیلئے ڈیبیو کریں گے۔ دوسری جانب آسٹریلوی کپتان ٹم پین کا کہنا ہے کہ دبئی کی پچ بیٹنگ کے لیے سازگار دکھائی دیتی ہے اور پاکستان ان کنڈیشنز میں اچھا کھیلتا ہے۔
واضح رہے کہ متحدہ عرب امارات میں دونوں ٹیموں کے درمیان آخری ٹیسٹ میچ 2014 میں کھیلا گیا تھا جس میں قومی ٹیم نے 221 رنز سے آسٹریلیا کو شکست دی تھی۔
The post دبئی ٹیسٹ؛ پاکستان کی آسٹریلیا کیخلاف بیٹنگ جاری appeared first on ایکسپریس اردو.
from ایکسپریس اردو » کھیل https://ift.tt/2ylwITO
