صوابی: ممتاز قومی شخصیت اور آئی ایس آئی اسلام آباد کے سابق سربراہ میجر(ر) محمد عامر نے کہا ہے کہ آزاد الیکٹرانک میڈیا نے اس ملک کو ایک نہیں بے شمار فوائد دیئے ہیں اس نے لڑکھڑاتی جمہوریت کو نہ صرف سہارا دیا بلکہ اس کا تسلسل یقینی بنانے کے علاوہ جمہوریت کی ڈرائی کلیننگ کا عمل بھی جاری رکھا۔
ضلع کونسل ہال صوابی میں صوابی الیکٹرانک میڈیا ایسوسی ایشن کی تقریب حلف بر داری سے خطاب کرتے ہوئے میجر عامر نے کہا کہ اسی میڈیا نے ہمارے روایات، اخلاقی اقدار اور بنیادی انسانی حقوق کی پاسداری اور تحفظ کی جنگ بھی لڑی اسی طرح الیکٹرانک میڈیا نے نہ صرف سیاسی شعور کو اجاگر کیا بلکہ حکومت اور ملکی معاملات سے وابستہ ہر شخص کیلیے سخت گیر نگران اور بے رحم محتسب بن چکا ہے۔
ہماری نظریں دہشتگردی کیخلاف جنگ پر ہیں جو پاکستان کیخلاف ہتھیار اٹھانے والوں کیخلاف لڑی جارہی ہے لیکن جو جنگ افغانستان میں لڑی جارہی ہے وہ قطعاً ہماری جنگ نہیں، کچھ ذہنی اور نفسیاتی لوگ حیلے بہانوں اور دانشورانہ موشگافیوں کے ذریعے اسے ہماری جنگ بنانے پر تلے ہیں، ایسے لوگوں کے ناپاک عزائم کو روکنا اور عیاں کرنا میڈیا کے بغیر مشکل ہے۔
The post افغانستان میں لڑی جانیوالی جنگ قطعاً ہماری نہیں، میجرعامر appeared first on ایکسپریس اردو.
from ایکسپریس اردو » پاکستان https://ift.tt/2xge4wV
