ریاض: سعودی عرب میں سیکیورٹی فورسز کے ساتھ جھڑپ میں 3 مطلوب دہشت گرد مارے گئے۔
عرب میڈیا کے مطابق سعودی عرب کے صوبے قطیف میں سیکیورٹی فورسز نے خفیہ معلومات کی بنیاد پر سرچ آپریشن کا آغاز کیا جس کے دوران دہشت گردوں نے فائرنگ کردی۔ سیکیورٹی فورسز کی جوابی کارروائی میں 3 دہشت گرد ہلاک ہوگئے۔
ہلاک ہونے والوں کی شناخت محمد حسن احمد الزائد، مفید حمزہ علی الوان اور خلیل ابراہیم حسن المسلم کے ناموں سے ہوئی ہے۔ تینوں سعودی شہری ہیں اور دہشت گردی کی مختلف کارروائیوں میں قانون نافذ کرنے والے اداروں کو مطلوب تھے۔
سیکیورٹی فورسز کے اہلکار صوبہ قطیف میں ملزمان کی موجودگی کی اطلاع پر گرفتاری کے لیے پہنچے تھے۔ ملزمان نے گرفتاری دینے سے انکار کرتے ہوئے سیکیورٹی فورسز کی گاڑی پر فائرنگ کردی۔ 3 اہلکاروں کے زخمی ہونے کی بھی اطلاع ہے۔
واضح رہے کہ قطیف میں سیکیورٹی فورسز کا سرچ آپریشن دہشت گردوں کے خلاف حتمی کارروائی کے فیصلے کے تحت کیا گیا۔ قانون نافذ کرنے والے اداروں نے دہشت گردوں کی جھڑپ کے دوران ہلاکت کو بڑی کامیابی قرار دیا ہے۔
The post سعودی عرب میں سیکیورٹی فورس کے آپریشن کے دوران 3 دہشت گرد ہلاک appeared first on ایکسپریس اردو.
from ایکسپریس اردو » انٹر نیشنل https://ift.tt/2NOxhQm
