اسلام آباد: عالمی بینک کے پاکستان کیلیے کنڑی ڈائریکٹر پچہ متھوا لانگون نے کہا ہے کہ پاکستان گرے لسٹ میں اس لیے آیا کہ اس نے بعض کارروائیوں میں سستی برتی۔
پچہ متھوا لانگون نے کہا ہے کہ منی لانڈرنگ اور ٹیرر فنانسنگ کی روک تھام کیلیے پاکستان کومزید اقدامات کرنا ہوں گے۔ آنے والے مہینوں میں فیصلہ کن کارروائی کرنے کی ضرورت ہے۔ ہماری تجویز ہے کہ وہ اقدامات کریں جنہیں کرنا آپ نے تسلیم کیا ہوا ہے۔ ان کا کہنا تھا کہ معیشت مستحکم کرنے کے لیے پاکستان حکومت کی معاونت کرنے کو تیار ہیں۔
ایک سوال کے جواب میں انہوں نے کہا کہ عالمی بینک ایف اے ٹی ایف اور ایشیاء پیسیفک گروپ میں ایک مبصرکی حیثیت سے شامل ہیں۔ وہ یہ قیاس آرائی نہیں کرنا چاہتے کہ آیا ایف اے ٹی ایف پاکستان کو بلیک لسٹ میں شامل کرے گا یا نہیں۔ان کا کہنا تھا کہ پاکستان میں نیشنل ایکشن پلان پر پیشرفت ہو رہی ہے۔
The post پاکستان ٹیرر فنانسنگ کیخلاف فیصلہ کن کارروائی کرے، ورلڈ بینک appeared first on ایکسپریس اردو.
from ایکسپریس اردو » بزنس https://ift.tt/2PhJbP4
