کراچی: عمران خان نے 21 سال بعد ن لیگ سے اپنی شکست کا بدلہ لے لیا۔
1997 کے انتخابات میں تحریک انصاف کے سربراہ عمران خان کو کراچی غربی کی بلدیہ ٹائون، سعید آباد اور کیماڑی کی نشست پر مسلم لیگ (ن) کے اعجاز شفیع کے ہاتھوں شکست کا سامنا کرنا پڑا تھا لیکن 21 سال بعد بلدیہ اور سعید آباد کے علاقوں پر مشتمل قومی اسمبلی کی نشست این اے 249 پر مسلم لیگ (ن) کے سربراہ میاں شہباز شریف کو تحریک انصاف کے امیدوار کے ہاتھوں شکست کھانی پڑی۔
2013 کے انتخابات میں پی ٹی آئی کو قومی اسمبلی کی ایک اور صوبائی اسمبلی کی 3 نشستوں پر کامیابی ملی تھی ۔ 2013 میں این اے 250 سے تحریک انصاف کے ڈاکٹر عارف علوی نے کامیابی حاصل کی تھی جبکہ پی ایس 93 سے سید حفیظ الدین، پی ایس 112 سے خرم شیر زمان اور پی ایس 113 سے ثمر علی خان جیتنے میں کامیاب ہوئے تھے۔ اس سے قبل پی ٹی آئی کو کراچی سے کبھی کامیابی نہیں ملی تھی ۔
The post عمران خان نے 21 سال بعد ن لیگ سے اپنی شکست کا بدلہ لے لیا appeared first on ایکسپریس اردو.
from ایکسپریس اردو » پاکستان https://ift.tt/2NNISuz
