اسلام آباد: صدر مملکت کی جانب سے طلب کئے جانے والا قومی اسمبلی اجلاس ملتوی کردیا گیا۔
ایکسپریس نیوز کے مطابق صدر مملکت عارف علوی کی جانب سے طلب کیا گیا قومی اسمبلی کا اجلاس ملتوی کردیا گیا ہے، مشیر پارلیمانی امور اور حکومتی چیف وہپ دونوں نے تصدیق کرتے ہوئے کہا ہے کہ کل قومی اسمبلی کا اجلاس نہیں ہوگا۔ جب کہ حکومت کا موقف ہے کہ قومی اسمبلی کا اجلاس او آئی سی سمٹ کے بعد بلایا جائے گا۔
ذرائع کا کہنا ہے کہ قومی اسمبلی اجلاس میں آئی ایم ایف معاہدہ کے تحت منی بجٹ پیش کیا جانا ہے، تاہم گزشتہ رات گئے حکومتی بڑوں کی مشاورت کے بعد اجلاس او آئی سی سمٹ کے بعد بلانے کا فیصلہ ہوا۔ ذرائع کے مطابق صدر نے آئین کے آرٹیکل 54 ایک کے تحت طلب کیا تھا، اور ایوان صدر نے کل شام 4 بجے اجلاس طلب کیے جانے کا اعلامیہ بھی جاری کیا تھا۔
The post صدر مملکت کی جانب سے طلب کئے جانے والا قومی اسمبلی کا اجلاس ملتوی appeared first on ایکسپریس اردو.
from ایکسپریس اردو » پاکستان https://ift.tt/31J5JnZ
