کراچی: سندھ ہائی کورٹ نے اسپیکر سندھ اسمبلی آغا سراج درانی کی درخواست ضمانت مسترد جب کہ ان کی اہلیہ اور بچوں کی ضمانت منظور کرلی۔
ایکسپریس نیوز کے مطابق اسپیکر سندھ اسمبلی آغا سراج درانی و دیگر کے خلاف آمدن سے زائد اثاثے بنانے سے متعلق ریفرنس کی سماعت ہوئی، سندھ ہائی کورٹ نے آغا سراج درانی سمیت 18 ملزمان کی درخواست ضمانت پر فیصلہ سنادیا، عدالت نے آغا سراج درانی سمیت 8 ملزمان کی درخواست ضمانت مسترد کردی، جب کہ ان کی اہلیہ اور بیٹوں کی ضمانت منظور کرلی گئی۔
آغا سراج درانی سمیت تمام ملزمان کے خلاف آمدن سے زائد اثاثے بنانے کا ریفرنس احتساب عدالت میں زیر سماعت ہے، نیب ریفرنس میں آغا سراج درانی کی اہلیہ اور بیٹیوں کو بھی نامزد کیا گیا ہے، ملزمان میں آغا سراج درانی، بیٹے شہباز درانی، طفیل احمد، میٹھا خان، اسلم پرویز لنگاہ، ذوالفقار ڈاہر، گلزار احمد سمیت 18 ملزمان شامل ہیں۔
سپریم کورٹ کے حکم پر آغا سراج درانی و دیگر کی درخواست ضمانت پر دوبارہ سماعت کی جارہی ہے، جسٹس ندیم اختر اور جسٹس اقبال کلہوڑو پر مشتمل اسپیشل بینچ نے درخواست ضمانت پر فیصلہ محفوظ کیا تھا۔
The post اسپیکر سندھ اسمبلی آغا سراج درانی کی درخواست ضمانت مسترد appeared first on ایکسپریس اردو.
from ایکسپریس اردو » پاکستان https://ift.tt/3mHwmji
