لاہور: صدر مملکت ڈاکٹر عارف علوی نے اسلامی نظریاتی کونسل میں تقرریوں کی منظوری دیدی۔
صدر مملکت ڈاکٹر عارف علوی نے ڈاکٹر قبلہ ایاز کو دوبارہ چیئرمین اسلامی نظریاتی کونسل بنانے کی منظوری دیدی جبکہ کراچی یونیورسٹی سے ڈاکٹر عمیر محمود صدیقی اور پیر ابو الحسن محمد شاہ آف بھیرہ شریف کو بطور ممبر تعینات کیا گیا ہے۔ اس کے علاوہ محمد حسن حسیب الرحمن اور دارالعلوم حقانیہ اکوڑہ خٹک کے مولانا حمیدالحق حقانی بھی ممبر تعینات کیے گئے ہیں۔
صدر مملکت نے علامہ محمد حسین اکبر، سید ضیااللہ شاہ بخاری اور پیرزادہ جنید امین کی بطور ممبر منظوری دیدی ہے۔ حافظ محمد طاہرمحمود اشرفی، مفتی محمد زبیر، سید محمد حبیب عرفانی اور مولانا نسیم علی شاہ بھی ممبر اسلامی نظریاتی کونسل تعینات کیے گئے ہیں۔
The post اسلامی نظریاتی کونسل میں تقرریاں، قبلہ ایاز دوبارہ چیئرمین تعینات appeared first on ایکسپریس اردو.
from ایکسپریس اردو » پاکستان https://ift.tt/3x2OWa9
