گوجرانوالہ: غیرت کے نام پر بیٹی کو بیوی اور سالے کی مدد سے قتل کرنیوالے ملزمان کا اعتراف جرم کرلیا جب کہ مقدمہ میں ملوث ایک ملزمہ فرار ہوگئی۔
تھانہ صدر کامونکی پولیس رپورٹ کے مطابق خان ٹاؤن کی رہائشی15سالہ لڑکی فائزہ کو اس کے والد فیض نذیر نے بیوی عابدہ فیض اور سالہ شبیر احمد کیساتھ ملکر گندم میں رکھنے والی گولی کو دودہ میں ڈال کر زبردستی پلا کر موت کے گھات اتار دیا۔
تفتیشی افسر سب انسپکٹر عدنان شہزاد گھمن کے مطابق 2 ملزمان مقتولہ کے والد اور ماموں کو گرفتار کرلیا گیا ہے جبکہ مقتولہ کی والدہ روپوش ہوگئی ہے جس کی تلاش جاری ہے۔
ملزمان نے عدالت میں اعتراف جرم کیا کہ مقتولہ کا کردار درست نہ تھا۔ متعدد بار اس کو منع کیا گیا مگر وہ باز نہ آئی جس پر میں نے فائزہ کو پکڑا میرے سالہ نے فائزہ کے گلے میں رسی ڈال کر گلہ دبایا اور بیوی نے گندم کی گولی سے ملا ہوا زہریلا دودہ پلایا جس سے فائزہ تڑپ تڑپ کے جاں بحق ہوگئی۔
The post باپ نے بیوی اورسالے کے ساتھ مل کربیٹی کوقتل کردیا appeared first on ایکسپریس اردو.
from ایکسپریس اردو » پاکستان https://ift.tt/3ccZZDY
