کراچی: صوبے بھر میں رواں سال نویں اور دسویں جماعت کے امتحانات کا آغاز یکم جولائی جبکہ گیارہویں اور بارہویں جماعت کے امتحانات کا آغاز 28 جولائی سے ہوگا جبکہ نرسری تا آٹھویں جماعت کے امتحانات 7 جون سے شروع ہوں گے۔
محکمہ تعلیم سندھ نے 30 جنوری کو ہونے والی اسٹیئرنگ کمیٹی میں لیے گئے فیصلے کے تحت اسکولوں اور کالجوں کے اکیڈمک سال 2021-22 میں ہونے والے امتحانات اور 2021 کی چھٹیوں کا شیڈول تیار کرلیاگیاہے۔
شیڈول کے مطابق نرسری تا آٹھویں جماعت کے امتحانات 7 جون 2021 کو لیے جائیں گے جبکہ نتائج کا اعلان 26 جون کو کیا جائے گا، نویں اور دسویں جماعت کے امتحانات یکم جولائی سے شروع ہونگے جو 15 جولائی تک جاری رہیں گے، گیارہویں اور بارہویں جماعت کے امتحانات 28 جولائی کو شروع ہوں گے جو 16 اگست تک جاری رہیں گے۔
امتحانات دو شفٹوں میں صبح اور شام لیے جائیں گے جبکہ ہفتے کے روز بھی امتحان لیے جائیں گے، دسویں جماعت کے امتحانات کے نتائج کا اعلان 15 ستمبر کو جاری کیا جائیگا، نویں جماعت کے امتحانات کے نتائج کا اعلان دسویں جماعت کے نتائج کے اعلان کے 60 روز بعد کیا جائے گا۔
بارہویں جماعت کے امتحانات کے نتائج کا اعلان 15 اکتوبر کو کیا جائیگا اور گیارہویں جماعت کے امتحانات کے نتائج کا اعلان بارہویں جماعت کے نتائج کے اعلان کے 60 روز بعد کیا جائے گا،گرمیوں کی چھٹیاں ایک ماہ یکم جولائی سے31 جولائی تک ہوں گی۔
The post امتحانات: میٹرک یکم اور انٹر کے 28 جولائی سے شروع ہوں گے appeared first on ایکسپریس اردو.
from ایکسپریس اردو » پاکستان https://ift.tt/3sl2lHD
