لاہور: پاکستان اور بھارت کے تعلقات کشیدگی کا شکار ہیں تاہم دونوں ملکوں کے مابین امن کے فروغ کیلیے کام کرنے والی غیرسرکاری تنظیم نے پاکستان اوربھارت کے طلبہ وطالبات کی بنائی گئی پینٹنگز پرمشتمل امن کیلنڈر شائع کرنے کا اعلان کیا ہے۔
’’آغازدوستی‘‘ نامی این جی او کے کوآرڈینیٹر روی نتیش نے بتایا کہ وہ گذشتہ کئی برسوں سے عوامی سطح پر رابطوں کی بہتری اور دونوں ہمسایہ ملکوں میں امن کے لیے کوششیں کررہے ہیں، سال 2021 میں 9 واں امن کیلنڈر شائع کیاجارہا ہے۔
انھوں نے بتایا کہ پاکستان اوربھارت کے چھٹی سے بارہویں کلاس تک کے طلبا اپنی ہاتھ سے بنائی پینٹنگ انھیں آن لائن بھیج سکتے ہیں۔ پاکستان اوربھارت سے باہردوسرے ملکوں میں مقیم پاکستانی اوربھارتی طلبا بھی اپنی پینٹنگز بھیج سکتے ہیں۔
The post پاک بھارت طلبا کی پینٹنگزکا امن کیلنڈر شائع کرنیکا اعلان appeared first on ایکسپریس اردو.
from ایکسپریس اردو » پاکستان https://ift.tt/3nxFyVV
