لاہور: کاہنہ کے علاقے میں شادہ شدہ بہنوں کو اغوا کے بعد بے دردی سے قتل کردیا گیا۔
ایکسپریس نیوز کے مطابق لاہور کے علاقے کاہنہ میں نالے سے دو بہنوں کی گلا کٹی لاشیں برآمد ہوئیں، خواتین کی شناخت عابدہ اور ساجدہ کے نام سے ہوئی، جنہیں بے دردی سے قتل کیا گیا۔
پولیس حکام نے بتایا کہ عابدہ اور ساجدہ دونوں بہنیں ہیں جنہیں اغواء کے بعد قتل کردیا گیا، دونوں 26 نومبر کو کاہنہ سے اغواء ہوئیں، جب کہ ان کی گلا کٹی لاشیں نالے سے دو روز قبل برآمد ہوئی ہیں، دونوں بہنیں شادی شدہ ہیں۔
دوسری جانب آئی جی پنجاب نے کاہنہ میں خواتین کے اغواء کے بعد قتل کے واقعہ کا نوٹس لیتے ہوئے سی سی پی او لاہور سے رپورٹ طلب کرلی ہے، آئی جی نے ملزمان کو جلد از جلد گرفتار کر کے سخت قانونی کارروائی کا حکم دیتے ہوئے کہا کہ متاثرہ خاندان کو انصاف کی فراہمی ترجیحی بنیادوں پر یقینی بنائی جائے۔
The post لاہور میں دو شادی شدہ بہنیں اغوا کے بعد بے دردی سے قتل appeared first on ایکسپریس اردو.
from ایکسپریس اردو » پاکستان https://ift.tt/3nn95Sa
