پشاور:
کاغزئی میں محفل موسیقی کے دوران فائرنگ سے 5 افراد جاں بحق جب کہ 3 زخمی ہوگئے۔
ایکسپریس نیوز کے مطابق کوہاٹ کے نواحی علاقے کاغزئی میں موسیقی کی تقریب کے دوران 2 فریقین کے درمیان فائرنگ سے 5 افراد جاں بحق جب کہ 3 زخمی ہوگئے۔ واقعے کی اطلاع ملتے ہی پولیس موقع پر پہنچ گئی۔ لاشوں اور زخمیوں کو ڈی ایچ کیو اسپتال منتقل کردیا گیا۔ جاں بحق افراد کی شناخت قیصر، جنید، نیاز ، عبدالرحمان اور قاسم الرحمان کے ناموں سے ہوئی ہے۔
ایس ایچ او کینٹ کوہاٹ قسمت خان کے مطابق موسیقی کا پروگرام مجاہد نامی شخص کے حجرے میں ہورہا تھا، جہاں 2 ایسے گروپ بھی آئے جن کے درمیان پرانی دشمنی تھی، اسی وجہ سے فائرنگ ہوئی۔ ایک ملزم کو زخمی حالت میں گرفتار کرلیا گیا ہے جب کہ دیگر کی تلاش جاری ہے۔
The post کوہاٹ میں محفل موسیقی کے دوران فائرنگ سے 5 افراد جاں بحق، 3 زخمی appeared first on ایکسپریس اردو.
from ایکسپریس اردو » پاکستان https://ift.tt/3ka56ab
