کراچی: عارف انیس برطانیہ کے بین الاقوامی سطح پرمعروف برین ٹرسٹ کی جانب سے اس سال کا ’’برین آف دی ایئر ایوارڈ‘‘ جیتنے والے پہلے پاکستانی بن گئے ہیں۔
ممتاز مصنف، تھاٹ لیڈر اور ایکسپریس کے کالم نگار عارف انیس برطانیہ کے بین الاقوامی سطح پرمعروف برین ٹرسٹ کی جانب سے اس سال کا ’’برین آف دی ایئر ایوارڈ‘‘ جیتنے والے پہلے پاکستانی بن گئے ہیں۔
برین ٹرسٹ ہر سال یہ اعزاز بین الاقوامی سطح پر انسانی فلاح و بہبود کی غیر معمولی خدمات سرانجام دینے پر عطا کرتاہے۔برین ٹرسٹ کی پریس ریلیز کے مطابق عارف انیس کویہ ایوارڈ ان کی کورونا وائرس کے دوران خدمات پر دیا گیاہے۔
عارف انیس نے دو پاکستان نژاد برطانوی شہریوں سلیمان رضا اور بلال ثاقب کے ساتھ مل کر ’’ون ملین میلز‘‘ کی کیمپین چلائی تھی جس میں برطانوی ہیلتھ سروس اور اسپتالوں میں مفت کھانے فراہم کیے گئے۔ اس مہم کو بین الاقوامی پذیرائی حاصل ہوئی تھی اور معروف فٹ بالر ڈیوڈ بیکھم اور ورلڈ باکسنگ چیمپئن عامر خان نے بھی اس مہم کو سپورٹ کیا تھا۔
The post عارف انیس ’’برین آف دی ایئر‘‘ ایوارڈ جیتنے والے پہلے پاکستانی appeared first on ایکسپریس اردو.
from ایکسپریس اردو » پاکستان https://ift.tt/31wl8EQ
