اراکین برطانوی پارلیمنٹ نے مظلوم کشمیریوں کی حمایت کر دی

 لندن: برطانوی اراکین پارلیمنٹ نے کشمیریوں کی خصوصی حیثیت کے خاتمے پر یک زبان ہوکر مودی سرکار کے نفرت آمیز اقدام کے خلاف صدائے احتجاج بلند کی ہے۔

چند روز پہلے برطانوی لیبر پارٹی کے رہنما جیرمی کوربن نے کشمیریوں کی حمایت میں کی گئی ٹویٹ میں کہا تھا کہ مقبوضہ کشمیر میں حالات تکلیف دہ ہیں، کشمیریوں کے حق کا احترام کیا جائے اور بنیادی انسانی حقوق کی فراہمی کو یقینی بنانا چاہیے۔ انہوں نے اقوام متحدہ کی قرارداد کے تحت مسئلہ کشمیر کا حل نکالنے کا مطالبہ کیا۔ جیرمی کوربن کی ٹویٹ کے بعد دیگر اراکین بھی میدان میں آگئے۔

Strong statement from the leader of @UKLabour Jeremy Corbyn speaking up for the rights of the Kashmiri people. I completely support his condemnation of the human rights abuses currently taking place in Kashmir #KashmirBleeds #KashmirWantsFreedom https://t.co/xSrCfoFfmA

— Diane Abbott (@HackneyAbbott) August 11, 2019

ایوان لیوس نے بھی بھارت کے کشمیر کی خصوصی حیثیت کے خاتمے پر تشویش کا اظہار کرتے ہوئے کہا کہ بھارتی اقدام کے خلاف آواز اٹھانا ہماری اخلاقی ذمہ داری ہے۔ کشمیر کی موجودہ کشیدہ صورتحال کا فی الفور خاتمہ ہونا چاہیے اور قیام امن میں حائل تمام رکاوٹوں کو دور کرنا چاہیے۔

Disgusting & disturbing use of misogyny & gender based threats
There is a long and well documented history of sexual violence by Indian soldiers.
UK @foreignoffice is the leading voice on #PSVI around the world – and Kashmiri women urgently need our support #IStandWithKashmir https://t.co/fOkDWY2cKA

— Sayeeda Warsi (@SayeedaWarsi) August 10, 2019

برطانوی کنزرویٹو پارٹی کی سابق سربراہ سعیدہ وارثی نے کشمیر کی صورتحال پر اپنی ٹویٹ میں کہا کہ مقبوضہ کشمیر میں بھارتی فوج کی جانب سے خواتین کی عصمت دری کے واقعات کی ایک سیاہ تاریخ ہے، کشمیری خواتین کو اس وقت ہماری مدد کی اشد ضرورت ہے اور ہم کشمیر کے ساتھ کھڑے ہیں۔ جس کےلیے برطانوی دفترِ خارجہ عالمی سطح پر کشمیری خواتین پر ہونے والے مظالم کے خلاف ایک مؤثر آواز ہے۔

Today I have written to Foreign Secretary @DominicRaab to ask what representation he has made to the Indian Government regarding their unilateral decision to abolish #Kashmir’s special status, and what discussions he has had with the UN over this increasingly volatile situation. pic.twitter.com/sYxLeapash

— Liz McInnes (@LizMcInnes_MP) August 6, 2019

قبل ازیں برطانوی لیبر پارٹی کے رکن پارلیمنٹ خالد محمود نے برطانوی سیکریٹری خارجہ کے نام اپنے خط میں کشمیر کی خصوصی حیثیت ختم کرنے کے بعد کی صورت حال پر تشویش کا اظہار کرتے ہوئے کہا تھا کہ بھارتی حکومت کی جانب سے قانون سازی کے بغیر کشمیر کی خصوصی حیثیت کو ختم کرنا غیر قانونی عمل ہے۔

خالد محمود نے اپنے خط میں کشمیری قیادت کو نظربند کرنے پر اظہار افسوس کرتے ہوئے مزید کہا کہ مواصلاتی نظام معطل کرکے خطے کے امن کو خطرے میں ڈال دیا گیا ہے۔ بھارت کے اقدامات اقوام متحدہ کی سلامتی کونسل کی قراردادوں کے منافی ہیں جن سے وادی میں انسانی حقوق کی خلاف ورزیوں میں مزید اضافہ ہوگا۔

The post اراکین برطانوی پارلیمنٹ نے مظلوم کشمیریوں کی حمایت کر دی appeared first on ایکسپریس اردو.

from ایکسپریس اردو » انٹر نیشنل https://ift.tt/2MTilyW