اسلام آباد: انٹر نیشنل ٹریڈ سینٹر نے صوبہ سندھ اور بلوچستان میں چھوٹے اور درمیانے درجے کے کاروبار (اسمال ٹو میڈیم انٹرپرائز) کے فروغ کیلیے یورپی یونین کی جانب سے 54 ملین ڈالر لاگت سے 5سالہ منصوبہ شروع کرنے کا فیصلہ کیا ہے۔
حکومت پاکستان سمیت تین مختلف سطح پر منصوبے کی نگرانی کی جائے گی۔گروتھ فار رورل ایڈوانسمنٹ اینڈ سسٹین ایبل پروگرام کے تحت بلوچستان اورسندھ میں چھوٹے پیمانے پرزرعی بزنس کو فروغ دیا جائیگا۔پاکستان کے زرعی سیکٹرمیں چھوٹے اور درمیانے درجے کے کاروباری افراد کو چیلنجز درپیش ہیں۔
پروگرام کے تحت ملک میں روزگار کے نئے مواقع پیدا ہونے کے ساتھ ساتھ خواتین کو بھی ملکی ترقی میں شامل کیا جائیگا۔چھوٹے پیمانے کے کاشت کاروں کی آمدن میں اضافہ کیا جائیگا۔سندھ اور بلوچستان کے منتخب شدہ علاقوں کے کاشت کاروں کو جدید زرعی ٹیکنالوجی پر تربیت دی جائے گی۔
اس پروگرام کے سلسلے میں انٹرنیشنل ٹریڈ سینٹر کی سربراہ ارانچا گونزا لیس نے کہاہے کہ ہم پاکستان میں اس پروگرام کے تحت ایس ایم ای( سمال ٹو میڈیم انڑپرائز) کو فروغ دیں گے۔پاکستان کے ایس ایم ای کو انٹرنیشنل مارکیٹ تک رسائی میں معاونت کریں گے۔
پاکستان کے مشیر تجارت عبد الرزاق داؤد نے بھی اس پروگرام کو معاشی ترقی کیلئے اہم منصوبہ قرار دے دیا ہے۔ اس منصوبے کی تین سٹیرنگ کمیٹیوں کے تحت نگرانی کی جائیگی،جسمیں پہلی سطح پر حکومت پاکستان جبکہ صوبوں کی سطح پر بلوچستان ا ور سندھ اس منصوبے کی نگرانی کریں گے 2024 میں منصوبہ پایہ تکمیل کو پہنچے گا۔
The post انٹرنیشنل ٹریڈ سینٹر کا پاکستان میں5 سالہ غربت مٹاؤ پروگرام کا فیصلہ appeared first on ایکسپریس اردو.
from ایکسپریس اردو » بزنس https://ift.tt/2Lj0t0x
