کراچی: پروفیسر عبد الصمد شیرا نے کہا ہے کہ پاکستان میں ہر چوتھا فرد ٹائپ ون ذیابیطس کا شکار ہے۔
چھٹی سالانہ ذیابیطس کانفرنس سے خطاب کرتے ہوئے پروفیسر عبد الصمد شیرا نے کہا ہے کہ پاکستان میں ہر چوتھا فرد ٹائپ ون ذیابیطس کا شکار ہے، والدین پانچ سال کی عمر کے بچوں کو فاسٹ فوڈ اور سوڈا مشروبات سے پرہیز کرائیں، پاکستان میں ذیابیطس وبائی مرض بنتا جارہا ہے۔
کانفرنس میں بین الاقوامی مقررین نے ذیابیطس کو ایک اہم مسئلہ قرار دیا جو کہ انسانی صحت کے ساتھ ساتھ اس کے معمولاتِ زندگی اور معاشی حالات کو بھی متاثر کرتا ہے، ممتاز دوا ساز ادارے صنوفی پاکستان اور ذیابیطس ایسو سی ایشن آف پاکستان کی جانب سے اسلام آباد، لاہور اور کراچی میں منعقدہ کانفرنس کے مقررین میں برطانیہ سے آنے والے پروفیسر جیری رے مین، پروفیسررھس ولیمز اور پروفیسر عبد الصمد شیرا شامل تھے۔
مقررین نے اپنےخطاب میں کہا کہ پاکستان میں بیس سال یا اس سے بڑی عمر کا ہر چوتھا فرد ٹائپ ون ذیابیطس کا شکار ہے، ذیابیطس کے باعث پیروں کو لاحق ہونے والی بیماری کے بارے میں بتاتے ہوئے پروفیسر جیری رے مین نے بتایا کہ ذیابیطس کے شکار مریضوں کے خون میں شوگر کی زائد مقدار کے باعث پیروں اور دیگر بیرونی اعضا میں محسوس کرنے والے اعصاب کام کرنا چھوڑ دیتے ہیں، اس مرض کی بروقت تشخیص کے لیے پیروں کا باقاعدگی سے مکمل طبی معائنہ ضروری ہے جس سے فْٹ السر جیسے عوارض سے تحفظ ممکن ہو سکتا ہے۔
ذیابیطس ایسوسی ایشن آف پاکستان کے سیکریٹری جنرل اور انٹرنیشنل ڈائبٹیز فیڈریشن کے اعزازی صدر پروفیسر عبد الصمد شیرا نے ایک صحت مند طرزِ زندگی اپنانے اور ذیابیطس کے باقاعدگی سے معائنے کی اہمیت پر زور دیا۔
The post ملک میں ہر چوتھا فرد ٹائپ ون ذیابیطس کا شکار ہے، مقررین appeared first on ایکسپریس اردو.
from ایکسپریس اردو » صحت https://ift.tt/2CQKxfP
