نیب نے آمدن سے زائد اثاثہ جات اور منی لانڈرنگ کیس میں حمزہ شہباز کو پھر طلب کرلیا

نیب نے مسلم لیگ (ن) کے رہنما اور پنجاب اسمبلی میں قائد حزب اختلاف حمزہ شہباز کو آمدن سے زائد اثاثہ جات اور منی لانڈرنگ کیس میں پھر طلب کرلیا ہے۔

نیب ذرائع کے مطابق مسلم لیگ (ن) کے رہنما اور پنجاب اسمبلی میں قائد حزب اختلاف حمزہ شہباز کو آمدن سے زائد اثاثے بنانے اور منی لانڈرنگ کیس میں تیسری بار طلب کرلیا ہے۔ اس سلسلے میں حمزہ شہباز کو نیب میں 22 اپریل کی طلبی کا مراسلہ بھی جاری کردیا گیا ہے۔

حمزہ شہباز شریف کو آئندہ طلبی پر اپنی صفائی کے لیے تمام دستاویزات ساتھ لانے کی ہدایت کی گئی ہے۔ نیب کی 3 رکنی مشترکہ تحقیقاتی ٹیم حمزہ شہباز سے پوچھ گچھ کرے گی۔ حمزہ شہباز شریف گزشتہ پیشیوں پر نیب کی تحقیقاتی ٹیم کو مطمئن نہیں کر سکے تھے۔

The post نیب نے آمدن سے زائد اثاثہ جات اور منی لانڈرنگ کیس میں حمزہ شہباز کو پھر طلب کرلیا appeared first on ایکسپریس اردو.

from ایکسپریس اردو » پاکستان http://bit.ly/2UJSlLA