بھارتی شخصیات کا عمران خان کے پائلٹ کی رہائی کے فیصلے کا خیرمقدم

 اسلام آباد: وزیر اعظم عمران خان کی جانب سے بھارتی پائلٹ کو رہا کرنے کے اعلان کا بھارتی سیاست دانوں اور کشمیری قیادت کے ساتھ دنیا بھر کی معتبر شخصیات نے خیر مقدم کیا ہے۔

ایکسپریس کے مطابق عمران خان کی جانب سے گرفتار بھارتی پائلٹ “ابھے نندن ” کو بھارت کے حوالے کرنے کے اعلان کی عالمی سطح پر زبردست پذیرائی ہوئی ہے۔

وزیراعظم عمران خان کا اعلان سنتے ہی بھارتی سیاست دان نوجوت سدھو خوشی سے کھل اٹھے۔ انہوں نے کہا کہ ہر اچھا قدم اپنا راستہ خود نکالتا ہے، پاکستانی وزیراعظم کے خیر سگالی اقدام سے پائلٹ کے گھر والوں سمیت پورے بھارتی عوام کو بے پناہ خوشی ملی ہے۔

@ImranKhanPTI Every noble act makes a way for itself… your goodwill gesture is ‘a cup of joy’ for a billion people, a nation rejoices…
I am overjoyed for his parents and loved ones.

— Navjot Singh Sidhu (@sherryontopp) February 28, 2019

بھارتی پنجاب کے وزیر اعلیٰ امریندر سنگھ نے بھی عمران خان کے اقدام کو سراہتے ہوئے کہا کہ پاکستانی وزیراعظم کا اقدام خیر سگالی کی طرف مثبت قدم ہے۔

Dear @narendramodi ji , I’m touring the border areas of Punjab & I’m presently in Amritsar. Came to know that @pid_gov has decided to release #AbhinandanVartaman from Wagha. It will be a honour for me to go and receive him, as he and his father are alumnus of the NDA as I am.

— Capt.Amarinder Singh (@capt_amarinder) February 28, 2019

بھارتی خاتون صحافی برکھا دت نے کہا کہ یہ انڈین ٹی وی اینکرز کی بے وقوفانہ باتوں کا وقت نہیں، پاکستانی وزیر اعظم کے فیصلے سے کشیدگی کم ہوگی اور ہمیں اس فیصلے کو سراہنا چاہیے۔

I think we should welcome this gesture from @ImranKhanPTI on the release of #Abhinandan. The door for deescalation has been opened. And this is really not the time for dumb and needless gloating by tv anchors

— barkha dutt (@BDUTT) February 28, 2019

یہ بھی پڑھیں: وزیراعظم کا خیر سگالی کے طور پر بھارتی پائلٹ کو کل رہا کرنے کا اعلان

کشمیری قیادت نے بھی پاکستانی کپتان کے فیصلے کوامن کے لیے خوش آئند قرار دیا، میر واعظ عمر فاروق نے ٹوئٹ میں امید ظاہر کی کہ اب جنگ کے منڈلاتے بادل چھٹ جائیں گے اور مسئلہ کشمیر کے پرامن حل کے دروازے بھی کھلیں گے۔

Welcome decision by Pakistan PM @ImranKhanPTI to release the captive indian pilot as a peace gesture. Hope better sense prevails the war clouds scatter and the #Kashmir dispute moves towards a peaceful resolution

— Mirwaiz Umar Farooq (@MirwaizKashmir) February 28, 2019

مقبوضہ کشمیر کی سابق وزیراعلیٰ محبوبہ مفتی بھی اس اقدام پر عمران خان کی تعریف کیے بغیر نہ رہ سکیں۔ انہوں نے کہا کہ عمران خان نے بہترین لیڈر شپ کا مظاہرہ کیا اب وقت آگیا ہے کہ ہماری سیاسی قیادت بھی ماحول کو سازگار بنانے کے لیے اقدام کرے۔

The decision to hand over Wing Commander Abhinandan is a great gesture & shouldnt be seen in isolation. It also comes at a time when Pak could’ve chosen to further escalate an already tensed situation. I see it as a mark of reconciliation . Our leadership should reciprocate. https://t.co/i2RZINyIbk

— Mehbooba Mufti (@MehboobaMufti) February 28, 2019

سابق برطانوی رکن پارلیمنٹ جارج گیلوے بھی وزیراعظم پاکستان کے معترف نکلے اور انہوں نے اقدام کو کپتان کی بہترین اننگز قرار دیا۔

The post بھارتی شخصیات کا عمران خان کے پائلٹ کی رہائی کے فیصلے کا خیرمقدم appeared first on ایکسپریس اردو.

from ایکسپریس اردو » انٹر نیشنل https://ift.tt/2EoA5fP