کراچی میں پیٹرول پمپ پر دھماکے سے ایک شخص جاں بحق، 5 زخمی

 کراچی: نیو کراچی سیکٹر 5سی فور میں پیٹرول پمپ پر دھماکے کے نتیجے میں میں آگ لگ گئی جس کے باعث ایک شخص جاں بحق جب کہ 5 زخمی ہوگئے۔

کراچی کے علاقے نیو کراچی سیکٹر 5سی فور میں پیٹرول پمپ پر دھماکے کے بعد آگ لگ گئی جس کے نتیجے میں جھلس کر ایک شخص جاں بحق جب کہ 5 زخمی ہوگئے، واقعے کے بعد فائر بریگیڈ کی گاڑیوں نے موقع پر پہنچ کر آگ بجھائی اور امدادی اہلکاروں نے زخمیوں کو فوراً اسپتال منتقل کیا جہاں 2 افراد کی حالت تشویشناک بتائی جاتی ہے۔

ریسکیو ذرائع کے مطابق پیٹرول پمپ پر سی این جی بھروانے کے دوران دھماکا ہوا اور آگ لگ گئی، دوسری جانب پولیس کا کہنا ہے کہ دھماکا پیٹرول پمپ کے آفس میں ہوا جب کہ آفس میں نہ کوئی سیلنڈر تھا اور نہ ہی کوئی کمپریسر موجود تھا تاہم متاثرہ فیول اسٹیشن پر مزید تحقیقات کے لیے بم ڈسپوزل اسکواڈ کا عملہ پہنچ گیا ہے۔

The post کراچی میں پیٹرول پمپ پر دھماکے سے ایک شخص جاں بحق، 5 زخمی appeared first on ایکسپریس اردو.

from ایکسپریس اردو » پاکستان https://ift.tt/2CASwxo