اسلام آباد: اپوزیشن لیڈر اور مسلم لیگ (ن) کے قائد شہباز شریف مہروں کی تکلیف میں مبتلا ہوگئے صحت یابی کے لیے ان کی کمر کے آپریشن کا بھی امکان ہے۔
ایکسپریس نیوز کے ذرائع کے مطابق شہباز شریف کو کمر میں تکلیف کی شکایت پر گزشتہ رات ایم آر آئی کے لیے پمزاسپتال لایا گیا تھا جہاں ان کے ٹیسٹ کیے گئے جن کی رپورٹ سامنے آگئی ہے۔
یہ پڑھیں: میڈیکل بورڈ کی نیب کو شہباز شریف کا بلاتاخیر مزید طبی معائنہ کرانے کی سفارش
ایم آر آئی میں کمر کی تکلیف کی وجہ مہروں کی خرابی قرار دی گئی ہے، پمزاسپتال کا میڈکل بورڈ شہباز شریف کا ایک بار پھر طبی معائنہ کرے گا اور ڈاکٹرز کی جانب سے مہروں میں درد کے لیے میڈیسن کے ساتھ آپریشن بھی تجویز کیا جاسکتا ہے۔
واضح رہے کہ 27 دسمبر کو شہباز شریف کی کمر میں تکلیف بڑھنے پر ڈاکٹرز کو فوری طور پر طلب کرکے ان کا طبی معائنہ کرایا گیا تھا، ڈاکٹرز کی 3 رکنی ٹیم نے منسٹر انکلیو میں شہباز شریف کا معائنہ کرنے کے بعد ایم آر آئی ٹیسٹ تجویز کیا تھا۔
The post شہباز شریف مہروں کی تکلیف میں مبتلا، آپریشن کا امکان appeared first on ایکسپریس اردو.
from ایکسپریس اردو » پاکستان http://bit.ly/2s5tP6R
