فاروق بھائی جب چاہیں پارٹی میں واپس آجائیں، خالد مقبول صدیقی - KHB Point

کے-ایچ-بی پوائنٹ (ملکی و غیر ملکی تمام خبریں فراہم کرنے والاایک مکمل نیوزپلیٹ فام نیٹ ورک)

تازہ ترین

فاروق بھائی جب چاہیں پارٹی میں واپس آجائیں، خالد مقبول صدیقی

 کراچی: وفاقی وزیر آئی ٹی خالد مقبول صدیقی نے کہا ہے کہ فاروق بھائی جب چاہیں پارٹی میں آجائیں۔

این ای ڈی یونیورسٹی میں میڈیا سے گفتگو کرتے ہوئے  متحدہ قومی موومنٹ(پاکستان) کے کنوینر خالد مقبول صدیقی نے کہا کہ فاروق بھائی کے ایم کیوایم سے متعلق بیانات پر ان سے بات کی جاسکتی ہے فاروق بھائی کے لیے پارٹی کے دروازے کھلے ہیں وہ جب چاہیں پارٹی میں آسکتے ہیں۔

صحافی نے جب سوال کیا کہ زرداری صاحب کہتے ہیں وفاقی حکومت گرجائے گی؟ تو انہوں نے جواب دیا کہ اگرحکومت خود ہی گرگئی تو زرداری صاحب کا کیا کمال ہوگا؟

خالد مقبول صدیقی کا کہنا تھا کہ حیدر آباد جلسے میں کارکنوں کی تعداد بتارہی ہے کہ ایم کیوایم پاکستان کے چاہنے والے بہت ہیں جب کہ عمران خان صاحب کیساتھ ملاقاتیں ہوتی رہتی ہیں۔

ایم کیوایم کے کنونیر نے مزید کہا کہ انفارمیشن ٹیکنالوجی کے شعبے میں تیزی سے کام ہورہا ہے اور کراچی کے طالبعلم آگے بڑھنے پر یقین رکھتے ہیں۔

The post فاروق بھائی جب چاہیں پارٹی میں واپس آجائیں، خالد مقبول صدیقی appeared first on ایکسپریس اردو.



from ایکسپریس اردو » پاکستان http://bit.ly/2HmUFBP