کراچی: ایم کیو ایم پاکستان کے سربراہ خالد مقبول صدیقی کا کہنا ہے کہ علی رضاعابدی کے ساتھ ایک طویل وقت گزرا، یقین کرنا مشکل ہے کہ اب وہ ہم میں نہیں رہے۔
ایم کیو ایم کے سابق رہنما مرحوم علی رضا عابدی کے قتل پر ایم کیو ایم پاکستان کے سربراہ خالد مقبول صدیقی کا کہنا ہے کہ علی رضا عابدی اور ان کا پورا خاندان برسوں سے ایم کیو ایم سے وابستہ رہا اور سب لوگ عوام خدمت میں مصروف رہے، علی رضا عابدی کے ساتھ ایک طویل اور خوشگوار رفاقت رہی، یقین کرنا مشکل ہے کہ وہ اب ہم میں نہیں رہے۔
یہ بھی پڑھیں: علی رضا عابدی قاتلانہ حملے میں جاں بحق
خالد مقبول صدیقی کا کہنا تھا کہ علی رضا عابدی کا قتل شہرِ قائد کا امن سبوتاژ کرنے کی گھناؤنی سازش ہے، ان کی شہادت کی اعلیٰ سطح پر تحقیقات کرائی جائے اور قتل میں ملوث عناصر کو فوری گرفتار کیا جائے۔
میئر کراچی اور رہنما ایم کیو ایم پاکستان وسیم اختر کا کہنا تھا کہ علی رضاعابدی کی شہادت پر انتہاٸی صدمہ ہوا، ان کا قتل افسوس ناک واقعہ ہے، دکھ کی اس گھڑی میں ایم کیو ایم کے تمام کارکنان علی رضا عابدی کے لواحقین کے غم میں شریک ہیں۔ ان کا کہنا تھا کہ بہت سے لوگوں کو سیکیورٹی تھریٹس ہیں، شہر میں عدم تحفظ کا احساس بڑھ رہا ہے حکومت سیاسی کارکنوں کا تحفظ یقینی بنائے۔
The post علی رضا عابدی کے قتل کی اعلیٰ سطح پر تحقیقات کی جائیں، خالد مقبول صدیقی appeared first on ایکسپریس اردو.
from ایکسپریس اردو » پاکستان http://bit.ly/2RbMPPh
