کوئٹہ: وزیر اعلیٰ بلوچستان جام کمال خان کا کہنا ہے کہ بلوچستان اور چین میں تجارتی تعلقات کا نیادور شروع ہوا ہے۔
کوئٹہ میں میڈیا سے بات کرتے ہوئے جام کمال خان نے کہا کہ بلوچستان اور چین میں تجارتی تعلقات کا نیادور شروع ہوا ہے۔ بلوچستان میں معدنیات اور زرعی شعبے میں چینی سرمایہ کاری کی وسیع گنجائش ہے۔
وزیراعلیٰ بلوچستان نے کہا کہ ماضی کی حکومتوں نے سی پیک کو غیرضروری طور پر متنازع بنایا، سی پیک میں ایک روپے کی بھی گرانٹ شامل نہیں تمام سرمایہ قرضوں پر مبنی ہے، سی پیک کے تحت ملنے والے 55 ارب ڈالر میں سے 28 ارب ڈالر خرچ ہو چکے۔
جام کمال کا کہنا تھا کہ بلوچستان میں سابق حکومت نے سی پیک سے استفادہ کی حکمت عملی نہیں بنائی، انہوں نے منصوبوں کی تقسیم کے وقت دلچسپی نہیں لی، ان کی نااہلی سے سی پیک سے بھر پور فائدہ اٹھانے کا موقع گنوا دیا گیا۔
The post بلوچستان اور چین میں تجارتی تعلقات کا نیا دور شروع ہوا ہے، جام کمال خان appeared first on ایکسپریس اردو.
from ایکسپریس اردو » پاکستان https://ift.tt/2POtDWU
