کراچی: سندھ حکومت نے یوم اقبال پر تعلیمی اداروں میں چھٹی کی خبروں کی تردید کردی ہے۔
ایکسپریس نیوز کے مطابق سوشل میڈیا پر محکمہ داخلہ سندھ کا ایک نوٹی فکیشن گردش کررہا تھا۔ جس میں یہ کہا گیا تھا کہ یوم اقبال کی مناسبت سے 9 نومبر کو سندھ بھر کے سرکاری اور غیر سرکاری تعلیمی ادارے بند رہیں گے تاہم سندھ حکومت نے اس قسم کے کسی بھی نوٹی فکیشن کے اجرا کی تردید کردی ہے۔
محکمہ تعلیم سندھ کے حکام کا کہنا ہے کہ 9 نومبر کو تدریسی عمل معمول کے مطابق جاری رہے گا۔ محکمہ داخلہ سندھ نے تعطیل کا کوئی نوٹی فکیشن جاری نہیں کیا۔
The post سندھ حکومت نے یوم اقبال پر تعلیمی اداروں میں تعطیل کی تردید کردی appeared first on ایکسپریس اردو.
from ایکسپریس اردو » پاکستان https://ift.tt/2D8KnS2
