لاہور: مسلم لیگ (ن) کے قائد میاں نواز شریف نے کہا کہ مخالفین جو بھی ہتھکنڈے استعمال کرلیں ہم سرخرو ہوں گے۔
ایکسپریس نیوز کے مطابق شہباز شریف کی گرفتاری پر نواز شریف کی سربراہی میں شریف خاندان کا مشاورتی اجلاس منعقد ہوا۔ اس موقع پر نواز شریف نے کہا کہ مخالفین جو بھی ہتھکنڈے استعمال کرلیں ہم سرخرو ہوں گے، شہباز شریف نے پنجاب کے عوام کے لیے دن رات محنت کی، جب کچھ کیا ہی نہیں تو گھبرانے کی ضرورت نہیں۔
ذرائع کے مطابق حمزہ شہباز اور نواز شریف کے درمیان بات ہوئی جس میں پارٹی معاملات پر حمزہ شہباز نے نواز شریف سے رہنمائی لی اور حمزہ شہباز نے عدالتی کارروائی پر نواز شریف کو بریف کیا۔
یہ پڑھیں: حکومت جو سلوک مخالفین سے کررہی ہے کل اس کیلیے تیار رہے، نواز شریف
دریں اثنا مسلم لیگ (ن) نے قبل از وقت دھاندلی کے خدشے کے پیش نظر چیف الیکشن کمشنر کو خط لکھ دیا۔ یہ خط لیگی رہنما راجہ ظفر الحق کی جانب سے ارسال کیا گیا ہے جس میں کہا گیا ہے کہ شہباز شریف کو سیاسی انتقام کا نشانہ بنایا جا رہا ہے جس سے ضمنی انتخابی عمل متاثر ہونے کا خدشہ ہے، الیکشن کمیشن نوٹس لے۔
The post مخالفین جو بھی ہتھکنڈے استعمال کرلیں ہم سرخرو ہوں گے، نواز شریف appeared first on ایکسپریس اردو.
from ایکسپریس اردو » پاکستان https://ift.tt/2y3uKrB
