کراچی: کے الیکٹرک نے شہر قائد میں لوڈ شیڈنگ کا دورانیہ بڑھا دیا ہے جس کے باعث عوام کی پریشانیوں میں مزید اضافہ ہوگیا ہے۔
ایکسپریس نیوز کے مطابق کے الیکٹرک نے بجلی کی لوڈ شیڈنگ کا دورانیہ مزید 3 گھنٹے تک بڑھادیا ہے جب کہ لوڈ شیڈنگ سے مستثنیٰ علاقوں میں بھی لوڈ شیڈنگ شروع کردی گئی ہے، شہر میں اعلانیہ لوڈ شیڈنگ کا مجموعی دورانیہ 10 گھنٹے تک جاپہنچا ہے ۔ گرمی میں بجلی کی بندش کے دورانیے میں غیر اعلانیہ اضافے نے عوام کی مشکلات میں اضافہ کردیا ہے۔
کے الیکٹرک انتظامیہ کی جانب سے لوڈ شیڈنگ کے دورانیے میں اضافے کی تردید یا تصدیق نہیں کی جارہی تاہم ذرائع کا کہنا ہے کہ کے الیکٹرک کو قومی گرڈ سے ملنے والی بجلی آدھی کردی گئی ہے جس کی وجہ سے لوڈ شیڈنگ کے دورانیے میں اضافہ کیا گیا ہے۔
The post کراچی میں لوڈ شیڈنگ کا دورانیہ بڑھا دیا گیا، شہری پریشان appeared first on ایکسپریس اردو.
from ایکسپریس اردو » پاکستان https://ift.tt/2OMiPFc
