لاہور: ہائی کورٹ نے بغاوت کے مقدمے کے اندراج کے لیے دائر درخواست کی سماعت کے دوران عدم پیشی پر سابق وزیراعظم شاہد خاقان عباسی کے قابل ضمانت وارنٹ گرفتاری جاری کردیے۔
لاہور ہائی کورٹ میں نواز شریف اور شاہد خاقان عباسی کے خلاف بغاوت کا مقدمہ درج کرنے کے لیے درخواست کی سماعت ہوئی۔ درخواست گزار کی جانب سے موقف اختیار کیا گیا کہ نواز شریف نے ممبئی حملوں کے متعلق انٹرویو دیا، جس سے ملکی سالمیت کو نقصان پہنچا، شاہد خاقان عباسی نے انٹرویو دینے میں نواز شریف کی مکمل معاونت کی لہذا عدالت نواز شریف، شاہد خاقان عباسی اور سرل المیڈا کے خلاف بغاوت کا مقدمہ درج کرنے کا حکم جاری کرے۔
اس خبر کو بھی پڑھیں : شاہد خاقان عباسی کی تاحیات نااہلی کا فیصلہ کالعدم قرار
عدالت نے شاہد خاقان عباسی کے قابل ضمانت وارنٹ گرفتاری جاری کرتے ہوئے 10 لاکھ روپے کے مچلکے جمع کروانے کی ہدایت کر دی جب کہ عدالت نے اڈیالہ جیل سپرنٹنڈنٹ کو نواز شریف اور ایس ایس پی آپریشن اسلام آباد کو سرل المیڈا سے نوٹس کی تعمیل کروانے کا حکم دے دیا۔ کسی کی مزید سماعت 24 ستمبر کو ہوگی۔
The post بغاوت کے مقدمےکی درخواست؛ شاہد خاقان عباسی کے وارنٹ گرفتاری جاری appeared first on ایکسپریس اردو.
from ایکسپریس اردو » پاکستان https://ift.tt/2wXscuG
