اسلام آباد: سپریم کورٹ نے ملٹری کورٹ سے سزائے موت پانے والے چار ملزمان کی سزا پر عمل درآمد روک دیا ہے۔
سپریم کورٹ میں فوجی عدالت سے سزائے موت پانے والے ملزمان کی سزا کے خلاف کیس کی سماعت ہوئی، کیس کی سماعت جسٹس عظمت سعید کی سر براہی میں تین رکنی بینچ نے کی، عدالت عظمیٰ نے ملٹری کورٹ سے سزائے موت پانے والے چاروں ملزمان کی سزا پر عمل در آمد روک دیا اور اٹارنی جنرل سمیت فریقین کو نوٹسز جاری کر دئیے جب کہ جسٹس عظمت سعید نے معاملہ لارجر بینچ کے لیے چیف جسٹس کو بھجوا دیا ہے۔
اس خبرکوبھی پڑھیں: آرمی چیف نے 13 دہشتگردوں کی سزائے موت کی توثیق کردی
ملٹری کورٹ سے سزائے موت پانے والے ملزمان میں محمد شیر، اسرار احمد، عبدالمجید اور محمد عمر شامل ہیں، محمد شیر کو فوجی عدالت نے سوات میں سرکاری اسکول جلانے پر سزائے موت سنائی،اسرار احمد اور عبد المجید کو مالم جبہ میں پی ٹی ڈی سی موٹل جلانے پر سزائے موت سنائی گئی جب کہ بٹ گرام کے محمد عمر کو دہشت گردی کے الزام پر سزائے موت کا حکم سنایا گیا۔
The post سپریم کورٹ نے فوجی عدالت سے سزائےموت پانے والے 4 ملزمان کی سزا روک دی appeared first on ایکسپریس اردو.
from ایکسپریس اردو » پاکستان https://ift.tt/2NTLT0i
