قائداعظم اور لیاقت علی کے بعد ملک پر صرف کرپشن نے راج کیا، چیف جسٹس - KHB Point

کے-ایچ-بی پوائنٹ (ملکی و غیر ملکی تمام خبریں فراہم کرنے والاایک مکمل نیوزپلیٹ فام نیٹ ورک)

تازہ ترین

  

قائداعظم اور لیاقت علی کے بعد ملک پر صرف کرپشن نے راج کیا، چیف جسٹس

ملتان: چیف جسٹس پاکستان میاں ثاقب نثار نے کہا ہے کہ قائداعظم محمد علی جناح اور شہید ملت لیاقت علی خان کے بعد ملک پر صرف کرپشن نے راج کیا۔

ملتان بار سے خطاب کرتے ہوئے چیف جسٹس پاکستان میاں ثاقب نثار نے کہا کہ کرپشن اور اقربا پروری معاشرے میں ناسور کی طرح ہیں، اس کا خاتمہ نہ کیا گیا تو آنے والی نسلوں کو کچھ نہیں دے سکیں گے، قائداعظم اور لیاقت علی خان کے جانے کے بعد ملک میں صرف کرپشن نے راج کیا ہے، ہمیں اپنی ذات کی اصلاح اور کرپشن کے خلاف جہاد کرنا ہے۔

چیف جسٹس کا کہنا تھا کہ ڈیم سے متعلق میں نے کوئی احسان نہیں کیا، بنیادی حقوق کی فراہمی لوگوں کا حق ہے،عدلیہ کا احسان نہیں، ڈیموں کے خلاف سازش شروع ہوگئی ہے، دیامیر میں 12 اسکولوں کو جلادیا گیا ہے، ڈیم بنانے کے لیے عوام کو پہرہ دینا ہے اور ہر سازش کو کچلنا ہے، کالا باغ ڈیم کو مسترد نہیں کیا، پہلے دیگر ڈیم بنیں گے، پھر صوبوں میں اتفاق رائے کے بعد کالا باغ ڈیم بھی بنے گا۔

The post قائداعظم اور لیاقت علی کے بعد ملک پر صرف کرپشن نے راج کیا، چیف جسٹس appeared first on ایکسپریس اردو.



from ایکسپریس اردو » پاکستان https://ift.tt/2KrwmPo