کراچی: میئر کراچی وسیم اختر نے کہا ہے کہ قربانی کے جانوروں کی الائشیں اٹھانے میں سندھ حکومت کی مدد کریں گے۔
کراچی میں میڈیا سے بات کرتے ہوئے میئر وسیم اختر نے کہا کہ کراچی ہمارا شہر ہے اس کو لاوارث نہیں چھوڑیں گے، کراچی کے مسائل کے حل کے لیے سالڈ ویسٹ منیجمنٹ کا ساتھ دیں گے، آلائشیں سندھ سالڈ ویسٹ مینجمنٹ کے ساتھ اٹھائی جائیں گی، اس اہم کام میں ہم سندھ حکومت کی مدد کریں گے۔
اس موقع پر وفاقی وزیر آئی ٹی خالد مقبول صدیقی نے کہا کہ ایم کیوایم کےمینڈیٹ پر ہمیشہ ڈاکا پڑتا رہا ہے مگر اس کے باوجود ووٹ ایم کیو ایم کو ہی ملتا ہے۔ انہوں نے کہا کہ پاکستان اپنے اہم اور تاریخی موڑ سے گزر رہا ہے، ایوان میں جو اپوزیشن میں تھے اب وہ حکومت میں ہیں، تبدیلی کو تاریخ ثابت کرے گی، اللہ کرے ملک میں آنے والی تبدیلی عوام تک بھی پہنچے۔
The post آلائشیں اٹھانے میں سندھ حکومت کی مدد کریں گے، میئرکراچی appeared first on ایکسپریس اردو.
from ایکسپریس اردو » پاکستان https://ift.tt/2BACGFc
